ಬಂಡಿಪುರದ ಮೋಯಾರ್ ಕುರುಚಲು ಕಾಡು, ಹುಲ್ಲುಗಾವಲಿನಲ್ಲಿ ಸುತ್ತಾಡುವಾಗ ಎಷ್ಟೊಂದು ಪಕ್ಷಿಗಳು ಹಾರಿ ಮರೆಯಾಗುತ್ತಿದ್ದವು. ಎಲ್ಲೋ ಮರದ ಮೇಲೆ ಕುಳಿತರೆ ಹುಡುಕಬಹುದೇನೋ, ಆದರೆ ಹುಲ್ಲುಗಳ ನಡುವೆ, ಪೊದೆಗಳ ಮಧ್ಯೆ ಅಡಗಿ ಕುಳಿತ ಅವುಗಳನ್ನು ಹುಡುಕಲು ಅಸಾಧ್ಯವಾದುದಕ್ಕೆ ಆ ಪಕ್ಷಿಗಳ ಬಣ್ಣವೂ ಕಾರಣ. ಅಲ್ಲಿನ ಹುಲ್ಲು, ಪೊದೆ, ನೆಲದ ಮಣ್ಣಿನ ಬಣ್ಣ ಇವುಗಳಲ್ಲಿ ಕರಗಿ ಹೋಗುತ್ತದೆ. ಆದರೆ ಆ ಪಕ್ಷಿಗಳು ತುಂಬಾ ದೂರದವರೆಗೂ ಹಾರುವುದಿಲ್ಲ. ಸ್ವಲ್ಪದೂರ ಹಾರಿ, ಸ್ವಲ್ಪ ದೂರ ಓಡಿ ಪೊದೆಗಳಲ್ಲಿ ಮರೆಯಾಗುತ್ತದೆ. ಕೆಲವೊಮ್ಮೆ ಹತ್ತಿರ ಹೋಗುವವರೆವಿಗೂ ಸುಮ್ಮನಿದ್ದು, ತುಂಬಾ ಹತ್ತಿರವಾದಾಗ ಸದ್ದು ಮಾಡಿ ಹಾರುತ್ತದೆ. ನಾನು ಗೊತ್ತಿಲ್ಲದೆ ಈ ರೀತಿ ಪಕ್ಷಿಗಳ ತುಂಬಾ ಹತ್ತಿರ ಹೋಗಿ, ಅವುಗಳು ಹಾರಿ ಹೋದಾಗ ಬೆಚ್ಚಿ ಬಿದ್ದಿದ್ದೇನೆ. ಮೋಯಾರ್ ಕಾಡಿನಲ್ಲಿ ಒಂದು ಬೆಳಗ್ಗೆ ಬರುತ್ತಿದ್ದಾಗ Indian Thick-knee ನೋಡಿದ್ದೆ. ಅದು ನಮ್ಮನ್ನು ನೋಡಿ ರಸ್ತೆಯಲ್ಲೇ ಸ್ವಲ್ಪ ದೂರ ಓಡಿ, ನಾಮಕಾವಸ್ಥೆಗೆ ಸ್ವಲ್ಪ ದೂರ ಹಾರಿ, ರಸ್ತೆಯಿಂದ ಸ್ವಲ್ಪ ಒಳಗೆ ಕುಳಿತುಕೊಂಡಿತು. ಚಿತ್ರ: © ಶ್ರೀಕಾಂತ ಕಾವೇರಿ ತೀರದ ಕುರುಚಲು ಕಾಡುಗಳಲ್ಲಿ Painted Sandgrouse ನಾವು ಹೋಗುತ್ತಿದ್ದಂತೆ, ನಮ್ಮಿಂದ ಸ್ವಲ್ಪ ದೂರ ಓಡಿ, ನಮಗೆ ಬೆನ್ನು ಹಾಕಿ, ಇನ್ನೇನು ಹಾರುವ ಭಂಗಿಯಲ್ಲಿ ಕುಳಿತಿತ್ತು. ಚಿತ್ರ: © ಶ್ರೀಕಾಂತ ಟಿಟ್ಟಿಭ - Red-wattled Lapwing ತುಂಬಾ ಗಲಾ...
’ಕಲರವ’ ಒಂದು ಪುಟ್ಟ ಗುಂಪು. ಪಕ್ಷಿವೀಕ್ಷಣೆ, ಪರಿಸರ ಸಂರಕ್ಷಣೆ, ಖಗೋಳ, ಫೋಟೊಗ್ರಫಿ, ಸೈಕ್ಲಿಂಗ್, ಸಿನಿಮಾ, ಪ್ರವಾಸ, ಹೀಗೆ ಹಲವಾರು ಚಟುವಟಿಕೆಗಳು ಮತ್ತು ಚರ್ಚೆಯ ವೇದಿಕೆ. ಸಮಾನ ಅಭಿರುಚಿಯ ಗೆಳೆಯರ ಓದು, ಓಡಾಟದ ವಿನಿಮಯ ಮತ್ತು ಆ ಮೂಲಕ ಒಡನಾಟ ಈ ಕಲರವ